Сыбайлас жемқорлыққа қарсы

Дата письма 23.07.2018

 Сыбайлас жемқорлыққа қарсы

 

       Тамыры тереңге кеткен жемқорлықтың  бүгінгі деңгейі алаңдаушылық тудырып отырғаны орынды. Бұл жағдаймен еліміздің әрбір тұрғыны күнделікті кездесіп тұрады десек, артық айтқандық емес. Сыбайлас жемқорлық – заң бұзушылықтың ең үлкен түрі. Қоғамның әрбір мүшесі, Қазақстанның әрбір азаматы түйткілді түбірімен жоюға белсенді түрде араласуы міндетті.Бүгінгі таңда елімізде  лауазымын асыра сілтеп, жемқорлар санын көбейтушілер жоқ емес. Жемқорлықтың тамырына көпшілік болып күрескенде ғана балта шабатынымыз белгілі. Бізде заң көп, бірақ орындап жатқан ешкім жоқ. Парақорлық сол заңның орындалуына кедергі келтіруде. Жең ұшынан жалғасқан жемқорлық өмір сүріп тұрғанда, бізде ешқандай заң жүзеге аспайтыны анық. Қоғамның мақсаты – мәселені көтеру, оны шешу үкіметтің міндеті.

         Сыбайлас жемқорлыққа қарсы күрес туралы заңның талаптары қолданысқа енгелі бері заң құрығынан таза шығудың айла-шарғылары да сан құбылып өзгеріп келеді. Заң талабы түзу болғанымен оның тетіктері терең ойластырылмағандықтан қашан да ол қозғалысқа енбей малтығып қалады. Бір сөзбен айтқанда заңның бағыты дұрыс болғанымен, шын мәнінде оның тетіктерін тежейтін, заң орындары кінәлі басшының абыройын қорғауға мүдделік таныта қалса, қалған жағына қарай икемдеп, бұрып әкетуге ыңғайлы келетін осындай түйе тайлы баптар жетерлік. Дегенмен, жемқорлық билік еткен қоғамның алға баспайтынын ескерсек, оны кезек күттірмес мәселелер қатарында тез арада реттеуге тиістіміз. Ал бұдан да жақсы жетістікке жету үшін барлығымыз жұмыла дертпен күрескеніміз жөн болар.

Сыбайлас жемқорлық бұзушылық фактілерінің орын алмауына және оған жол бермеу мақсатында барлығымыз өз қызметіміз  аясында Қазақстан Республикасының «Сыбайлас жемқорлық қа қарсы тұру» Заңын, кәсіби этика, «Мемлекеттік қызмет туралы» Заңдарын басшылыққа алуымыз қажет.

Әрбір бөлім қызметкері салық төлеушілерге мемлекеттік қызмет көрсету кезінде қызметтік жағдайын жағымсыз жайттарға,мәселелерге қолдануға жол бермеуі керек, өз қызметінде тек қана қарапайымдылық таныту арқылы әрқашан әділ, әдепті және шыншыл болу керек, жұмысының жоғары кәсіби деңгейде болуына және сыбайлас жемқорлықтың орын алмауына күш салуы қажет деп ойлаймын.

Егер де салық төлеушілер тарапынан қандай да бір пара беру сияқты фактілер анықталып жатса, тез арада бөлім басшысына хабарлай отырып, бұл жемқорлықтың орын алуына жол бермеңіздер. Бұл сіздердің мемлекеттіміздің дамуына кедергі болар олқылықтардың жолын кесе отырып, қарқындап одан әрі дамуына қосқан үлестеріңіздің бірі болады деп есептеймін.

Техникалық сабақты өткізу барысында бөлім қызметкерлері  келесідей қаулы қабылданды.

Автор: Алматы қаласы Түрксіб ауданы бойынша Мемлекеттік кірістер басқармасы «Кеден одағы шеңберіндегі жанама салықтарды әкімшіліктендіру» бөлімінің бас салық инспекторы Аманжолов Н.К.