Сыбайлас жемқорлық - қоғамның жегі құрты.

Сыбайлас жемқорлық - қоғамның жегі құрты.

Тамыры тереңге кеткен жемқорлықтың бүгінгі деңгейі алаңдаушылық тудырып отырғаны орынды. Бұл жағдаймен еліміздің әрбір тұрғыны күнделікті кездесіп тұрады десек, артық айтқандық емес. Сыбайлас жемқорлық - заң бұзушылықтың ең үлкен түрі. Қоғамның әрбір мүшесі, Қазақстанның әрбір азаматы түйткілді түбірімен жоюға белсенді түрде араласуы міндетті. Бүгінгі таңда елімізде лауазымын асыра сілтеп, жемқорлар санын көбейтушілер жоқ емес. Жемқорлықтың тамырына көпшілік болып күрескенде ғана балта шабатынымыз белгілі. Бізде заң көп, бірақ орындап жатқан ешкім жоқ. Парақорлық сол заңның орындалуына кедергі келтіруде.

Сыбайлас жемқорлыққа қарсы күрес туралы заңның талаптары қолданысқа енгелі бері заң құрығынан таза шығудың айла-шарғылары да сан құбылып өзгеріп келеді. Заң талабы түзу болғанымен оның тетіктері терең ойластырылмағандықтан қашан да ол қозғалысқа енбей малтығып қалады. Бір сөзбен айтқанда заңның бағыты дұрыс болғанымен, шын мәнінде оның тетіктерін тежейтін, заң орындары кінәлі басшының абыройын қорғауға мүдделік таныта қалса, қалған жағына қарай икемдеп, бұрып әкетуге ыңғайлы келетін осындай түйе тайлы баптар жетерлік. Дегенмен, жемқорлық билік еткен қоғамның алға баспайтынын ескерсек, оны кезек күттірмес мәселелер қатарында тез арада реттеуге тиістіміз. Ал бұдан да жақсы жетістікке жету үшін барлығымыз жұмыла дертпен күрескеніміз жөн болар.

Сыбайлас жемқорлық бұзушылық фактілерінің орын алмауына және оған жол бермеу мақсатында барлығымыз өз қызметіміз аясында Қазақстан Республикасының 18.11.2015 жылғы №410-V ҚРЗ « Сыбайлас жемқорлыққа қарсы іс-қимыл туралы» Заңын, 29.12.2015 жылғы №153 ҚР Президентінің  Қазакстан Республикасы мемлекеттік қызметшілерінің әдептілік нормаларын және мінез-құлық қағидаларын одан әрі жетілдіру жөніндегі шаралар туралы жарғысымен бекітілген, ҚР мемлекеттік қызметшілерінің әдеп кодексін, ҚР «Мемлекеттік қызмет туралы» Зандарын басшылыққа алуымыз қажет.

Автор: Алматы қаласы Түрксіб ауданы бойынша Мемлекеттік кірістер басқармасы Бас маман, есеп-қисап, талдау бөлімі Турсынбаева А.Е