Дата письма 23.12.2019

Дата рассмотрения до: 05.01.2020

Қазақстан Республикасы Индустрия және инфрақұрылымдық даму министрлігінің кейбір мәселелері туралы

 Қазақстан Республикасының азаматтық авиациясының авиациялық персоналын  даярлау жүйесін жетілдіру мақсатында Қазақстан Республикасының Үкіметі ҚАУЛЫ ЕТЕДІ:

1. «Азаматтық авиация академиясы» акционерлік қоғамы акцияларының мемлекеттік пакетін иелену және пайдалану құқықтарын заңнамада белгіленген тәртіппен Қазақстан Республикасы Индустрия және инфрақұрылымдық даму министрлігіне берілсін.

2.  Қазақстан Республикасы Қаржы министрлігінің Мемлекеттік мүлік және жекешелендіру комитеті Қазақстан Республикасы Индустрия және инфрақұрылымдық даму министрлігінің Азаматтық авиация комитетімен және Қазақстан Республикасы Индустрия және инфрақұрылымдық даму министрлігімен бірлесіп, заңнамада белгіленген тәртіппен осы қаулыдан туындайтын қажетті шараларды жүзеге асырсын.

3. Қазақстан Республикасы Үкіметінің кейбір шешімдеріне өзгерістер мен толықтырулар енгiзiлсiн:

1) «Қазақстан Республикасы Индустрия және инфрақұрылымдық даму министрлігінің кейбір мәселелері және Қазақстан Республикасы Үкіметінің кейбір шешімдеріне өзгерістер мен толықтырулар енгізу туралы» Қазақстан Республикасы Yкiметiнiң 2018 жылғы 29 желтоқсандағы № 936 қаулысына өзгерiстер:

Қазақстан Республикасының Индустрия және инфрақұрылымдық даму министрлігі туралы ережеде:

Қазақстан Республикасы Индустрия және инфрақұрылымдық даму министрлігінің және оның ведомстволарының қарамағындағы ұйымдардың тізбесiнде:

«1. Қазақстан Республикасы Индустрия және инфрақұрылымдық даму министрлігі» деген бөлімде:

«Акционерлік қоғамдар» деген кіші бөлімде:

9) тармақшамен толықтырылсын:

«9) «Азаматтық авиация академиясы» акционерлік қоғамы»;

«6. Қазақстан Республикасы Индустрия және инфрақұрылымдық даму министрлігінің Азаматтық авиация комитеті» деген бөлімде:

«Акционерлік қоғамдар» деген кіші бөлімде:

2) тармақшасы алып тасталсын;

көрсетілген қаулыға 3-қосымшада:

«Қазақстан Республикасы Индустрия және инфрақұрылымдық даму министрлігіне» деген бөлімде:

«Акционерлік қоғамдар» деген кіші бөлімде:

«Азаматтық авиация академиясы» акционерлік қоғамы» тізбесіне толықтырылсын;

«Қазақстан Республикасының Индустрия және инфрақұрылымдық даму министрлігінің Азаматтық авиация комитетіне» деген бөлімде:

«Акционерлік қоғамдар» деген кіші бөлімде:

«Азаматтық авиация академиясы» акционерлік қоғамы» тізбесі алып тасталсын.

2) «Республикалық меншіктегі ұйымдар акцияларының мемлекеттік пакеттері мен мемлекеттік үлестеріне иелік ету және пайдалану жөніндегі құқықтарды беру туралы» Қазақстан Республикасы Yкiметiнiң 1999 жылғы               27 мамырдағы № 659 қаулысына өзгерiстер:

көрсетілген қаулымен бекітілген иелік ету және пайдалану құқығы салалық министрліктерге, өзге де мемлекеттік органдарға берілетін республикалық меншік ұйымдарындағы акциялардың мемлекеттік пакеттерінің және қатысудың мемлекеттік үлестерінің тізбесінде:

         «Қазақстан Республикасы Индустрия және инфрақұрылымдық даму министрлігіне» деген бөлімде:

          мынадай мазмұндағы реттік нөмірі 389-6-жолмен толықтырылсын:

         «389-6. «Азаматтық авиация академиясы» акционерлік қоғамы».

         «Қазақстан Республикасы Индустрия және инфрақұрылымдық даму министрлігінің Азаматтық авиация комитетіне» деген бөлімде:

реттік нөмірі 397-жол алып тасталсын.

4. Осы қаулы қол қойылған күнінен бастап қолданысқа енгізіледі.

 

 

Қазақстан Республикасының

         Премьер-Министрі                                                                 А. Мамин

 

 

 

Скачать приложение